Zv.kryeministrja e Ukrainës Olha Stefanishyna thotë se Ukraian dhe SHBA janë në fazën përfundimtare të negociatave për arritjen e marëveshjes për mineralet e rralla. Stefanishyna në një postim në rrjetet sociale tha që janë të përkushtuar që të përfundohet sa më shpejt kjo marrëveshje për të vazhduar me nënshkrimin e tij.
“Ekipet ukrainase dhe amerikane janë në fazën përfundimtare të negociatave në lidhje me marrëveshjen për mineralet.
Negociatat kanë qenë shumë konstruktive, me pothuajse të gjitha detajet kryesore të finalizuara. Ne jemi të përkushtuar që ta përfundojmë këtë me shpejtësi për të vazhduar me nënshkrimin e tij.
Ne shpresojmë se liderët e SHBA dhe UA [Ukrainë] mund ta nënshkruajnë dhe ta miratojnë atë në Uashington sa më shpejt për të shfaqur angazhimin tonë për dekadat e ardhshme.”, thotë zv.kryeministrja e Ukrainës.
Ndërsa Zelensky në fillim të muajit hodhi poshtë marrëveshjen. Gjithahstu ish kryeminsitri i Mbretërisë së Bashkuar Boris Johnson tha se beson se marrëveshja është “premtuese” për Ukrainën.
