Ditën e sotme qeveria e Maqedonisë së Veriut miratoi propozimin për shkarkimin e Prokurorit të Përgjithshëm.
Qeveria e kryeministrit Hristijan Mickovski vlerëson se kryeprokurori Lupço Kocevski po punon jashtë normave ligjore dhe se ka dëmtuar imazhin e gjyqësorit.
Nëse Këshilli nuk e shkarkon Kocevskin, atëherë çështja do të kalojë në parlament, ku nevojitet gjysma e numrit të ligjvënësve për shkarkimin e tij nga detyra.
Kryeministri Hristijan Mickovski thekson se kryeprokurori nuk ka treguar efikasitet në punën e tij se ka vepruar në mënyrë të jashtëligjshme dhe nën ndikim të politikës dhe se ka rrënuar imazhin dhe besueshmërinë e prokurorisë. Gjithashtu dyshon dhe për veprime që ndërlidhen me korrupsionin.
