Policia e Korçës ka arrestuar një 48-vjeçar, i cili dyshohet se po transportonte 495 steka me cigare pa pullë fiskale, të cilat i kishte kontrabanduar nga Greqia.
Gjatë operacionit “Smoking kills”, autoritetet sekuestruan cigaret, automjetin dhe dy telefona celularë.
Personi i arrestuar, me precedent penal në fushën e narkotikëve dhe kontrabandës, do të përballet me akuza për kontrabandë dhe transportim mallrash të kontrabanduar.
