Gjyqtari i Shkallës së Parë të Gjykatës së Posaçme, Erjon Bani, i lakuar mjaft javët e fundit për shkak të masës së arrestit që firmosi për kryetarin e bashkisë së Tiranës, Erion Veliaj deklaroi gjatë një aktiviteti të organizuar nga Qendra për Studimin e Demokracisë se ngarkesa është shumë e madhe dhe se nuk kanë as ndihmës ligjorë.
“Drejtësia nuk është gjë tjetër veçse shërbim. Nuk ka asnjë krahasim për cilësinë e çështjes, problematikave apo numrit të të pandehurve krahasuar me gjykatat e tjera, kjo e vështirëson punën pasi nuk kemi as ndihmësa ligjorë.
Për të rritur cilësinë e dhënies së shërbimit të drejtësisë duhet të punojnë jo pesë ditë, por shtatë ditë dhe jo vetëm brenda orarit zyrtar por edhe jashtë orarit zyrtar. Produktiviteti i Gjykatës së Posaçme është 99%” tha ai.
