Edi Rama ka reaguar i revoltuar pas deklaratave të Sali Berishës se Engjëll Agaçi, sekretari i përgjithshëm i Kryeministrisë është shkarkuar dhe se SPAK-u i ka sekuestruar laptopin dhe për këtë arsye ka ikur nga vendi. Rama thotë se Agaçi është operuar pas problemeve në zemër.
“Engjëll Agaçi para disa kohësh u nis në Itali për arsye shëndetësore, u operua në zemër dhe pas operacionit pati një dalje të mushkërive nga funksioni, u fut në frymëmarrje të drejtuar.
Pas një periudhë shumë të vështirë në reanimacion, vazhdon që të jetë në monitorimin e mjekëve për të rehabilituar mushkëritë” tha Rama.
