Nga Evarist Beqiri
Sot, më 2 mars, përkujtojmë 100-vjetorin e vrasjes së pabesë të Luigj Gurakuqit në Bari. Një nga figurat më të ndritura të Rilindjes Kombëtare, Luigj Gurakuqi ishte atdhetar i flaktë, intelektual i shquar, dhe krahu i djathtë i Ismail Qemal Vlorës, në themelimin e Shqipërisë🇦🇱
✍️Me penën e tij të mprehtë, fjalën e zjarrtë dhe veprat e tij të mëdha, Luigj Gurakuqi la gjurmë të pashlyeshme në historinë tonë kombëtare. Ai ishte një zë i fuqishëm për lirinë, arsimin dhe përparimin e kombit shqiptar.
Pavarësisht “faqes së zezë” së institucioneve zyrtare, të cilat nuk e përkujtojnë si duhet trashëgiminë e Viganëve Liberator🏛 Në këtë ditë të dhimbshme, ne nderojmë kujtimin e tij dhe trashëgiminë e tij të çmuar, me elegjinë e pavdekshme “Syrgjyn-Vdekur” të Fan S. Noli🙏
Nëno moj, mbaj zi për vllanë,
Me tre plumba na i ranë,
Na e vran’ e na e shanë,
Na i thanë trathëtor.
Se të deshte dhe s’të deshnin,
Se të qante kur të qeshnin,
Se të veshte kur të çveshnin,
Nëno moj, të ra dëshmor.
Nëno moj, vajto, merr malin,
Larot t’a përmbysnë djalin
Që me Ismail Qemalin
Ngriti flamur trimëror.
Nëno moj, m’a qaj në Vlorë
Ku të dha liri, kurorë,
Shpirt i bardhë si dëborë;
Ti s’i dhe as varr për hor.
Nëno moj, ç’është përpjekur
Gojë-mjalt’ e zëmër-hekur,
Syrgjyn-gjall’ e syrgjyn-vdekur,
Ky Vigan Liberator.
