Albert Krasniqi, nga Demokracia Plus, ka reaguar pas takimit Kurti-Abdixhiku, duke thënë se qëllimi i Kurtit nuk është gjetja e një zgjidhjeje për çështjen e presidentit, por mbajtja e kontrollit mbi këtë post.
Sipas Krasniqit, Kurti ka përdorur strategjinë e krijimit të krizave për të fituar kohë dhe për të zbehur ndikimin politik të Vjosa Osmanit.
“Që nga shpallja e aktgjykimit të Kushtetueses, strategjia ka qenë të amortizohet efekti politik që një afrim i Osmanit me LDK-në mund të sillte. Rrjedhja e votave synohej të ndalej përmes “negociatave” të fokusuara vetëm me LDK-në. Duke rënë në këtë kurth politik, LDK jo vetëm që i mundësoi Kurtit të blejë kohë, por edhe të zbehte efektin politik që Osmani mund të prodhonte”.
