Fabio Capello, trajner i Real Madridit në sezonet 1996/1997 dhe 2006/2007, theksoi se Carlo Ancelotti, trajneri i Real Madridit, është trajneri më i mirë në botë sepse “ai e njeh futbollin dhe di si të menaxhojë një ekip”.
“Ancelotti është trajneri më i mirë në botë sepse di të menaxhojë ekipin, di futbollin, di si t’i vendosë lojtarët në fushë dhe është vetëmohues. Ai e ka ndihmuar shumë Kylian Mbappe dhe kjo është një meritë për të”, tha ai.
“Gjëja më e rëndësishme për një trajner është të kuptojë atë që keni dhe të dini se ku doni të shkoni dhe nëse nuk e kuptoni, është një dështim dhe Ancelotti e kupton këtë në mënyrë perfekte”, shtoi ai të hënën në ceremoninë ku u zbuluan të nominuarit për çmimet Laureus, ku ishte plot lëvdata kur fliste për sulmuesin francez.
“Ai është një lojtar i madh. Atij iu deshën tre muaj për të kuptuar se çfarë është Madridi. Shumë njerëz e kanë kritikuar, por nuk kanë kuptuar asgjë dhe kanë thënë budallallëqe dhe tani e shohim se ai është një lojtar i jashtëzakonshëm dhe i një niveli shumë të lartë”, tha ai.
Për lojtarët e rinj të skuadrës së bardhë si Raul Asencio , Capello shpjegoi: “I kam parë të gjithë duke luajtur dhe janë shumë të mirë. Nëse ata janë këtu është sepse kanë cilësi dhe duhet të presim pak”.
