Grupimi “Djathtas 1912” i Enkelejd Alibeajt dhe Lëvizja për Zhvillim Kombëtar (LZHK) e Dashamir Shehit ka dorëzuar kërkesën për regjistrim si koalicion zgjedhor në Komisionin Qendror të Zgjedhjeve (KQZ).
Ky koalicion do të shkrijë siglat e dy partive dhe do të emërtohet “Djathtas për Zhvillim” (DZH).
Kërkesa u dorëzua disa orë para mbylljes së afatit kushtetues për regjistrimin e koalicioneve, që është në mesnatë.









