Athina është përfshirë sërish në protesta të dhunshme, ku demonstruesit kanë sulmuar policinë në sheshin Sintagma dhe kanë djegur kazanët e plehrave.
Protestuesit, disa prej të cilëve ishin të maskuar, kanë hedhur kokteja molotovi dhe kanë përplasur forcat e rendit, të cilat kanë përdorur gaz lotsjellës për t’i shpërndarë.
Këto protesta janë në lidhje me tragjedinë e ndodhur dy vite më parë në Tempi, ku për shkak të një aksidenti me trena humbën jetën 57 persona. Deri tani, policia ka arrestuar 32 persona, ndërsa tensionet janë përhapur në zona të tjera të Athinës, përfshirë Othonos dhe Amalias.
