Gjykata e Posaçme e Shkallës së Parë për Korrupsionin dhe Krimin e Organizuar shpalli fajtor ish-gjyqtarin Ilir Pashaj për disa vepra penale, duke e dënuar me 3 vjet e 4 muaj burgim.
Pashaj u akuzua për korrupsion pasiv të gjyqtarëve, refuzim për deklarim të pasurisë dhe pastrim parash. Përveç dënimit me burg, ai u privua për 5 vjet nga e drejta për të ushtruar funksione publike.
Po ashtu, u urdhërua konfiskimi i pasurisë së tij, përfshirë një apartament dhe një makinë të markës Mercedes Benz.
