Një sulm ka ndodhur në bazën ushtarake në veri-perëndim të Pakistanit.
Dy sulmues vetëvrasës shpërthyen një pjesë të murit të kompleksit ushtarak, duke mundësuar hyrjen e disa agresorëve të tjerë, të cilët u ndeshën me forcat e sigurisë në përleshje të ashpra. Si pasojë kanë humbur jetën 12 persona dhe 30 të tjerë janë plagosur.
Sulmi ka ndodhur në qytetin Bannu, në provincën Khyber Pakhtunkhwa, dhe është marrë përsipër nga një grup i lidhur me talebanët pakistanezë. Ndërkohë autoritetet kanë nisur hetimet.
