Departamenti i Shtetit i SHBA ka pezulluar shumicën e ndihmës për Afrikën e Jugut, duke zbatuar një urdhër ekzekutiv të Donald Trump.
Ky vendim pason akuzat e Trumpit se Afrika e Jugut po diskriminon afrikanerët e bardhë përmes ligjit të ri të tokës. Ndihma do të ndalohet për shumicën e programeve, përveç programit Pepfar për HIV/AIDS.
“Për të zbatuar në mënyrë efektive OE 14204, të gjitha zyrat, zyrtarët dhe misionet do të ndalojnë të gjitha detyrimet dhe/ose shpërndarjen e ndihmës për Afrikën e Jugut”, thuhet në kabllogramin, të nënshkruar nga sekretari i shtetit, Marco Rubio.
Tensionet mes dy vendeve janë përshkallëzuar që pas këtyre akuzave, të cilat presidenti i Afrikës së Jugut, Cyril Ramaphosa, i ka mohuar.
