Raketa Starship e SpaceX shpërtheu gjatë një fluturimi testi nga Starbase në Boca Chica, Teksas, më 7 mars 2025. Pas nisjes, raketa humbi kontrollin dhe bëri një rrotullim të pa kontrolluar. Motorët në majë të raketës pësuan defekte dhe raketa fluturoi në drejtim të lindjes, ndërsa trajektoria duhej të ishte orientuar për një hyrje të kontrolluar mbi Oqeanin Indian.
Brenda minutash nga nisja, kontaktet u humbën kur anija kozmike, e projektuar për të transportuar astronautë në Hënë dhe Mars, hyri në një rrotullim të pa kontrolluar. Fillimisht nuk u bë e qartë se ku ra raketa, por mbetje të djegura u vunë re në qiellin e Floridas dhe Karaibeve.
SpaceX konfirmoi se raketa pati një “shpërbërje të shpejtë dhe të pa planifikuar” gjatë nisjes.
