Gjykata e Posaçme ka pranuar kërkesën e SPAK-ut duke pushuar hetimet për kreun e bashkisë së Lezhës, Pjerin Ndreu.
Kryebashkiaku ishte nën hetim për shpërdorim detyre. Vetë Ndreu pati deklaruar pas paraqitjeve të tij në SPAK se nuk ka lidhje aspak me korrupsionin, por thjesht është një kallëzim politik nga PD.
“Zero shkelje procedura, zero dëm ekonomik. Ka një problem ku PD e Lezhës nuk është dakord t’i bëjmë trotuarin Lezhës, për të shpëtuar njerëzit. Jam në cilësinë e personit nën hetim, vepra penale e shpërdorimit të detyrës.
Pra thashë është kallëzim politik dhe nuk ka të bëjë me korrupsion apo shkelje të barazisë në tenderë” deklaronte më parë Ndreu.
