Deputeti i PD-së, Besart Xhaferri, përmes një videopostimi në facebook ka reagur, lidhur me situatën alarmante, ku është shkrumbuar tregu i rrobave te “5 Maji” në Tiranë.
Reagimi i Xhaferrit
Zjarri te 5 Maji, në ditën që përmbytet Shqipëria, rrezikon qindra banesa, institucionet në drejtim të paditur!
Në ditën që Shqipëria është e gjitha nën ujë, një zjarr masiv përfshiu tregun e rrobave të përdorura te 5 Maji në Tiranë.
Për shkak të çorganizimit të organizuar dhe mungesës së kapaciteteve, vatra e zjarrit po zgjerohet, duke rrezikuar mijëra banesa dhe banorë në zonën e 5 Majit.
Shumë zjarrfikëse në vendngjarje nuk kanë as ujë dhe në zonë nuk ka as hidrantë.
Zjarret dhe uji janë teste në të cilat ekspozohet më mirë se kudo babëzia e kësaj qeverie.
