Presidenti ukrainas, Volodymyr Zelenskyy, ka theksuar se Ukraina është e gatshme për paqe sa më shpejt që të jetë e mundur dhe se ka propozuar hapa konkretë për arritjen e saj.
Ai shtoi se Rusia duhet të detyrohet të ndalojë luftën, të angazhohet në diplomaci të vërtetë dhe të sigurojë një paqe të qëndrueshme.
“Çdo ditë, sulmet e reja ruse dhe vetë realiteti dëshmojnë se është Rusia ajo që duhet të detyrohet në paqe – të ndalojë luftën, të përfshihet në diplomaci të vërtetë, të garantojë siguri dhe një paqe të besueshme dhe të qëndrueshme”.
Deklarata e Zelensky-t vjen pas komenteve të Presidentit amerikan, Donald Trump, i cili tha se është më e lehtë të flasësh me Rusinë sesa me Ukrainën, dhe se Putini ka të gjitha kartat në duar.
Trump shtoi se Ukraina po vuan një dënim të jashtëzakonshëm, por nuk është i sigurt nëse qeveria e Ukrainës dëshiron të përfundojë konfliktin.
