Sekretari i Jashtëm britanik, David Lammy, ka dënuar vrasjet masive në Siri, duke shprehur shqetësimin për civilët e vrarë në zonat bregdetare.
Ai i ka bërë thirrje autoriteteve në Damask të mbrojnë të gjithë sirianët dhe të krijojnë një plan drejtësie tranzicionale.
Po ashtu, Bashkimi Evropian dhe Franca kanë dënuar dhunën ndaj civilëve dhe kërkuan hetime të pavarura për vrasjet e fundit, duke theksuar nevojën për respektimin e sovranitetit dhe unitetit të Sirisë.
“BE u bën gjithashtu thirrje të gjithë aktorëve të jashtëm që të respektojnë plotësisht sovranitetin, unitetin dhe integritetin territorial të Sirisë”, shton deklarata.
Franca ka dënuar gjithashtu dhunën që synon “civilët për shkak të besimit të tyre” si dhe të burgosurit.
Franca bëri thirrje për hetime të pavarura për vrasjet e fundit me ministrinë e saj të jashtme që shkruan në një deklaratë se qeveria e përkohshme e Sirisë duhet të garantojë “ruajtjen e pluralizmit etnik dhe fetar të Sirisë”, ka raportuar BBC.
