Presidenti amerikan Donald Trump ka paralajmëruar se tarifat ndaj Meksikës dhe Kanadasë mund të rriten në të ardhmen. Gjatë një intervistë për Fox News, Trump tha se, megjithëse aktualisht ka pasur disa përmirësime në marrëdhëniet tregtare, tarifat mund të rriten me kalimin e kohës.
Ai theksoi se për vite me radhë globalistët kanë shfrytëzuar Shtetet e Bashkuara dhe se veprimet e tij synojnë të kthejnë një pjesë të humbur nga ky proces.
“Për vite me radhë, globalistët kanë shqyer Shtetet e Bashkuara. Ata i kanë hequr paratë Shteteve të Bashkuara dhe gjithçka që ne po bëjmë është të kthejmë një pjesë të tyre. Ne do ta trajtojmë vendin tonë me drejtësi. Ky vend është rrëmbyer nga çdo komb në botë, çdo kompani në botë.” tha Trump.
Trump gjithashtu ka vendosur tarifa për Meksikën, Kanadanë dhe Kinën për shkak të fentanilit dhe mallrave të tjera ilegale që hyjnë në Shtetet e Bashkuara.
“Ne jemi një vend i madh, dhe ata bëjnë shumë punë me ne. Ndërsa në rastin tonë është shumë më pak e rëndësishme. Ne bëjmë shumë pak me Kanadanë në krahasim, dhe unë doja të ndihmoja prodhuesit amerikanë të makinave deri më 2 prill,” tha ai.
