Një 44-vjeçar shqiptar është arrestuar në Itali pas akuzave për dhunë fizike dhe përndjekje ndaj ish-partneres së tij gjatë një periudhe dyvjeçare. Ngjarja ka ndodhur në rajonin e Frosinones, ku shqiptari është akuzuar për sulme fizike dhe kërcënime ndaj gruas, si dhe për një akt dhune të rëndë më 16 shkurt 2025, kur pas një takimi për kthimin e sendeve personale, e ka goditur në fytyrë dhe trup.
Për këtë arsye, gjykata ka vendosur masën e arrestit shtëpiak, duke i vendosur byzylyk elektronik dhe duke ndaluar komunikimin dhe aksesin e tij në rrjetet sociale. Përdorimi i dhunës dhe përndjekja nga ana e shqiptarit kishte vazhduar gjatë gjithë periudhës së lidhjes dhe pas ndarjes.
