Një nga anëtaret e Partisë së Lirisë Esmeralda Demiraj ka dhënë dorëheqjen e saj. Demiraj njoftoi me anë të një postii në rrjetet sociale ku shprehet se ka marrë vendimin të heqë dorë nga partia, pjesë e së cilës ka qenë 14 vite.
Më pas ka reaguar edhe Partia e Lirisë përmes zëdhënëses Jasmira Memelli, ku sipas tyre Demiraj ka vendosur kusht që të ishte kandidate për deputete në zgjedhjet e 11 majit.
Në reagim lihej të nënkuptohej se kërkesa mund të ketë qenë për listën e Fierit, aty ku thotë se në emër të koalicionit “Aleanca për Shqipërinë Madhështore” do të kandidojë në listë të mbyllur, Brunilda Haxhiun Zv/Sekretare e Përgjithshme.
