Vijon prej orës 12:30 seanca për kryetarin e bashkisë së Tiranës, Erion Veliaj në Gjykatën e Posaçme.
Seanca e nisur dje u shty për sot pasi SPAK paraqiti prova të reja dhe avokatët e Veliajt kërkuan kohë që të njihen me përgjimet ambientale ku dyshohet se ka tentativa për intimidime dhe kontrata apo transaksione që prokurorët paraqitën përballë gjyqtarit për ta bindur që kryetari i bashkisë nuk duhet të lirohet nga qelia.
Në seancën maratonë të ditës së djeshme, avokatët e kryebashkiakut të arrestuar për korrupsion dhe pastrim parash, kanë ofruar garanci pasurore në këmbim të lirisë. Gjyqtari që shqyrton ankimimin e Veliajt është Engert Pëllumbi.
