Kreu i Partisë Demokratike Sali Berisha po zhvillon mbledhjen e Kryesisë. Berisha shprehet se Rama i ka flakur socialistët dhe i ka zëvendësuar me eksponentët të krimit.
“Ky është procesi më transparent që është zhvilluar ndonjëherë në historinë e PD, me pjesëmarrjen më të gjerë të mundshme, me përfaqësimin e të gjitha ndjesive, të gjitha shtresave, nënshtresave, grupeve, komuniteteve të shoqërisë shqiptare.
Por këta kandidatë për deputetë kanë avantazhin sepse janë njëkohësisht përfaqësuesit e koalicionit më të fuqishëm që ka njohur Shqipëria në 32 vite. Ky koalicion që bashkon rreth 25 parti, të cilat pa PD-në, përfaqësojnë pothuaj një të tretën e elektoratit shqiptar. Kjo përbën një avantazh të fuqishëm për aleancën për Shqipërinë Madhështore dhe PD-në, një avantazh i cili ka goditur thellë në dëshpërim palën kundërshtare, që në fakt është në kaos të vërtetë.
Një avantazh që ka goditur thellë palën kundërshtare që në fakt ëshë në kaos të vërtetë. Ekipi Rama, Lubi Balluku po përcakton akandidaturat tërësisht në bashkëpunim me klanet e krimit në Shqipëri. janë flakur edhe socialistët e fundit që kishin mbetur në parti dhe janë zëvendësuar me eksponetë të politikës së krimit. Kërcënimi është metoda bazë e përcaktimit në listat e deputetëve. Kështu në raste se Rama dyshonte që të lante duart me Gjiknurin. Gjiknuri i dërgoi një zarf jo me para por me fotot e Gonigalit, dhe Gjiknuri u rikthye në lista.”, tha Berisha.
