Ka shpërthyer një cisternë e gazit në shtetin Lagos në jugperëndim të Nigerisë. Si pasojë e shpërthimit kanë humbur jetën katër persona.
Oficeri i Marrëdhënieve me Publikun i Policisë së Shtetit të Lagos, Benjamin Hundeyin, në deklaratën për Anadolu tha se një cisternë gazi shpërtheu në urën Otedola në shtetin Lagos.
Ai tha se në shpërthim kanë humbur jetën katër persona, ndërsa katër të tjerë janë plagosur rëndë. Hundeyin tha se 4 shtëpi u dëmtuan nga shpërthimi dhe 15 automjete u shndërruan në hi.
