Presidenti rus, Vladimir Putin, ka pranuar propozimin e Donald Trump për një armëpushim 30-ditor në Ukrainë.
“Ne jemi pro armëpushimit”, tha Putin.
Gjatë një konference për shtyp në Moskë, Putin tha se Rusia është pro armëpushimit, por ai theksoi se ai duhet të çojë në një “paqe të qëndrueshme” dhe të adresojë shkaqet themelore të krizës.
“Ne pajtohemi me propozimin për ndërprerjen e armiqësive, por ai duhet të çojë në paqe të qëndrueshme dhe të heqë shkaqet themelore të kësaj krize,” theksoi presidenti rus.
Putin falënderoi Trump për interesin dhe angazhimin për një zgjidhje paqësore, duke shtuar se është i hapur për të diskutuar më tej përmes një telefonate.
Ai gjithashtu përmendi se situata në rajonin e Kurskut është nën kontrollin rus dhe kontrolli ukrainas ka humbur atje.
