Bashkia e Fierit ka hapur festimet për Ditën e Verës me një ngjarje festive në sheshin qendror të qytetit.
Aktivitetet filluan me ‘Festën e Luleve’, ku morën pjesë 350 fëmijë të kopshteve publike të qytetit, të cilët shndërruan sheshin në një hapësirë me dekor pranveror dhe muzikë festive. Festimet do të vazhdojnë gjatë ditës me një koncert të madh që do të zhvillohet më vonë, ku do të këndojnë mbi 30 artistë të njohur shqiptarë dhe fierakë.
Ky është organizimi i parë i këtij lloji nga Bashkia e Fierit, që synon të diversifikojë aktivitetet artistike dhe të bëjë Fierin një qytet të vizitueshëm dhe festiv gjatë gjithë vitit.
