Një 34-vjeçar, identifikuar si K. Ll., është arrestuar nga Policia e Vlorës pasi shkaktoi një aksident mbrëmjen e kaluar, duke drejtuar automjetin në gjendje të dehur. Ai përplasi disa mjete dhe u mundua të largohej nga vendi i ngjarjes, duke rrezikuar jetën e efektivëve të policisë.
Gjatë hetimeve, u zbulua se para se të largohej, ai kishte dëmtuar ekspozitorin e një lokali në lagjen “1 Maji”. Pas shoqërimit në komisariat, ndaj tij u ngritën akuzat për “Shkatërrimi i pronës”, “Kundërshtimi i punonjësit të rendit publik”, “Mosbindja ndaj urdhrit të punonjësit të Policisë”, “Largimi nga vendi i aksidentit”, “Shkelja e rregullave të qarkullimit rrugor” dhe “Drejtimi i automjetit në mënyrë të parregullt”.
