Partia Demokratike ka organizuar një protestë ditën e sotme kundër vendimit të qeverisë që ka mbyllur rrjetin social TikTok në Shqipëri.
PD e cilëson këtë si akt censure të fjalës së lirë, një veprim që vjen në prag të fushatës elektorale të zgjedhjeve parlamentare të 11 Majit.
“Mbyllja e Tik Tokut do të jetë për sigurinë elektorale të Edi Ramës. Rinia shqiptare të mësojë nga rinia në Serbi dhe të dalë në rrugë të protestojë” tha kreu i FRPD-së, Besart Xhaferraj.
Për mbarëvajtjen e rendit dhe sigurisë, policia ka angazhuar në terren 1 mijë efektivë. Disa rrugë në kryeqytet janë bllokuar për shkak të tubimit elektoral të PD.
