Presidenti i Shqipërisë, Bajram Begaj, ka shprehur tronditjen e tij pas zjarrit tragjik në një diskotekë në Koçan të Maqedonisë së Veriut, ku mbi 50 persona humbën jetën dhe shumë të tjerë u plagosën.
Begaj ka shprehur ngushëllimet e tij të sinqerta për familjet e viktimave dhe për popullin e Maqedonisë, duke shtuar se lutjet e tij janë për të lënduarit, që të gjejnë shërim të shpejtë.
Reagimi i Begajt
I tronditur nga tragjedia e ndodhur, nga humbja e jetëve të reja dhe lëndimi i shumë të tjerëve nga zjarri i rënë në një diskotekë në qytetin Koçan të Maqedonisë së Veriut.
Ngushellimet e mia të sinqerta shkojnë për familjarët që humbën të afërmit e tyre dhe për të gjithë popullin fqinj të Maqedonisë së Veriut.
Lutjet e mia dhe të popullit shqiptar shkojnë për të lënduarit, që të gjejnë shërim të shpejtë e të mos rëndojë më shumë dhimbja në qytetin e Koçanit.
