Pano Sako, i ftuar në emisionin “5 Pyetje” nga Babaroamo, theksoi nevojën për ndryshime të thella në politikën shqiptare dhe përmbysjen e sistemit që u krijua pas vitit 2008, i cili, sipas tij, ka favorizuar përfitimet personale të liderëve politikë.
“Gjithë modeli politik që u rregullua pas vitit 2008 erdhi dhe u formua mes dy kryetarëve të partive, tre, të cilët krijuan një sistem që maksimizonte përfitimin personal ekonomik nëpërmjet atij të politikës. Kjo ka ndodhur dhe ky është fakt. Nëse Shqipëria ka nevojë për diçka, ajo është një përmbysje e sistemit që u krijua në vitin 2008 me paktin që bënë pozita dhe opozita e kohës dhe me realitetin që prodhoi ky pakt.”
