Ish deputeti i Partisë Demokratike Myslim Murrizi ditën e sotme u paraqit në Prokurorinë e Posaçme.
Pas daljes nga ambientet e Prokurorisë, Murrizi tha se ishte thirrur si një nga 5 milionët shqiptarë. Ai nënvizoi se qëndrimet publike nuk ka Prokurori e Posaçme që e ndalon atë dhe do të vazhdoj që ti bëj.
“Nuk i njoh këta të ndërmarrjes së SPAK si emra. Hyra me duar në xhepa, për materiale shtesë janë këta që vijnë me dosje. Unë për fatin e keq mbaj mend shumë nuk kam nevojë për letra.
Qëndrimet publike nuk ka SPAK që mi ndalon mua. Qëndrime publike e politike do vazhdoj të bëj prapë, ato që di unë.
Isha thirrur si një nga 3 milionë e 800 mijë votuesit dhe si një nga 5 milionë shqiptarët.
Çudi që të shkojnë të gjithë nuk është, e mbani mend Krajën kur thirri të gjithë fshatin? Ka korrur apo s’ka korrur me autokombajnë?
Një fshat e mbaroi Kraja, avash avash do mbarojë edhe fshati tjetër.”, deklaroi Murrizi.
