Prokuroria e Posaçme (SPAK) ka nisur hetime ndaj policëve të burgjeve që transferuan kryetarin e Bashkisë së Tiranës, Erion Veliaj, nga Durrësi në ambientet e Apelit të Gjykatës së Posaçme për Korrupsionin dhe Krime të Rënda (GJKKO). Hetimet janë hapur pasi Veliaj ka përdorur telefonin e njërit prej policëve për të bërë telefonata, një veprim që është hetuar si shkelje e procedurave.
Burime nga hetimi bëjnë me dije se gjatë marrjeve në pyetje, oficeri i burgjeve ka pranuar përdorimin e telefonit dhe ka shpjeguar se e ka bërë këtë nga frika. Hetimet po vazhdojnë për të zbardhur detajet e tjera të këtij transferimi dhe veprimeve të tjera të dyshuara nga ana e personelit të burgjeve.
