Disa orë pas bisedës telefonike mes Donald Trump dhe Vladimir Putin, presidenti Volodymyr Zelensky lëshoi një deklaratë duke thënë se Ukraina ishte nën një sulm rus.
“Fatkeqësisht, veçanërisht infrastruktura civile është goditur,” tha ai, duke renditur njëmbëdhjetë rajone të Ukrainës që janë sulmuar. Sipas presidentit ukrainas, një spital në Sumy u godit.
“Janë sulmet e natës ruse si ky [që] shkatërrojnë sistemin tonë energjetik, infrastrukturën tonë, jetën normale të Ukrainës. Fakti që kjo natë nuk bën përjashtim tregon se presioni ndaj Rusisë duhet të vazhdojë për hir të paqes.”
Duke iu referuar bisedës telefonike Trump-Putin, Zelensky tha: “Sot, Putin në thelb hodhi poshtë propozimin për një armëpushim gjithëpërfshirës. Do të ishte e drejtë që bota të refuzonte çdo përpjekje të Putinit për të tërhequr luftën”.
Ai u bëri thirrje aleatëve të Ukrainës që të vazhdojnë të ofrojnë ndihmë dhe gjithashtu të vendosin sanksione ndaj Rusisë.
