Situata është tensionuar në Stamboll, ku mbështetësit e kryebashkiakut Ekrem Imamoglu janë përplasur me policinë jashtë Gjykatës së Stambollit.
Protestuesit, pavarësisht ndalimit të protestave deri më 27 mars, vazhduan të kërkojnë drejtësi për Imamoglu-n, i cili është akuzuar për korrupsion dhe lidhje me terrorizmin. Policia përdori ujëhedhës dhe dronë për të shpërndarë turmat, ndërsa mbi 5,000 forca policore u dislokuan për të siguruar rendin.
Tensionet janë rritur edhe me protesta pranë bashkisë së Stambollit kundër qeverisë së Erdogan-it.
