Shqipëria është gati për ndeshjen e dytë të kualifikuesve të Botërorit 2026 ndaj Andorrës, e cila do të zhvillohet nesër në “Arenën Kombëtare”.
Trajneri Silvinjo, gjatë konferencës për mediat, tha se mund të ketë disa ndryshime në formacion, por ato nuk do të varen nga gjendja fizike e lojtarëve që luajtën titullarë në ndeshjen me Anglinë. Ky lajm u konfirmua edhe nga stërvitja e fundit e ekipit, ku të gjithë lojtarët ishin të gatshëm për sfidën.
Lojtarët që kishin pasur shqetësime të mëparshme, si Ismajli dhe Kumbulla, si dhe ata që kishin pësuar dëmtime gjatë ndeshjes me Anglinë, si Strakosha dhe Laçi, u stërvitën normalisht dhe janë të gatshëm për të luajtur.
