Pas sulmeve vdekjeprurëse në Kiev, presidenti ukrainas Volodymyr Zelensky tha se vendime të reja dhe presion i shtuar ndaj Moskës janë të nevojshme për t’i dhënë fund këtyre sulmeve dhe luftës.
Ai theksoi se sulmet ruse janë një “realitet i përditshëm” dhe bëri thirrje për sanksione më të forta kundër Rusisë, duke theksuar se armët që përdoren kundër Ukrainës përmbajnë pjesë të huaja, dhe çdo boshllëk që mundëson anashkalimin e sanksioneve duhet të eliminohet.
Zelensky gjithashtu nënvizoi rëndësinë e bisedimeve për paqen që do të zhvillohen në Arabinë Saudite, ku delegacionet e Ukrainës, Rusisë dhe SHBA-së do të diskutojnë mundësitë për paqe, edhe pse jo në të njëjtën kohë. Takimi i parë i Ukrainës do të zhvillohet me delegacionin amerikan të dielën, ndërsa ekipi amerikan do të takohet me homologët rusë të hënën.
