Një ngjarje tragjike ka ndodhur në Bulqizë, ku një banesë në katin e parë të një pallati është përfshirë nga flakët, duke shkaktuar vdekjen e 80-vjeçarit Xhevdet Cara. Ngjarja ka ndodhur mëngjesin e sotëm, rreth orës 09:10, kur zjarri ka shpërthyer në banesën e tij.
Sipas informacionit të siguruar, viktima jetonte vetëm me bashkëshorten e tij, e cila nuk ishte në shtëpi në momentin e incidentit. Shërbimet zjarrfikëse dhe policia kanë arritur menjëherë në vendngjarje dhe kanë bërë të mundur nxjerrjen e Xhevdetit nga banesa, por ai ka ndërruar jetë më vonë në spital.
Policia është angazhuar për të zbardhur shkaqet e zjarrit, të cilat ende nuk janë të qarta.