Policia e Kosovës, në rajonin e Prizrenit, ka ndaluar një automjet me targa vendore i cili po lëvizte në drejtimin nga kufiri Shqipëri-Kosovë.
Sipas Policisë, gjatë kontrollimit të personit dhe automjetit janë gjetur të ngarkuara në rreth 1200 kg duhan të papërpunuar.
‘Lidhur me rastin është kontaktuar prokurori kompetent dhe me vendim të tij rasti iniciohet si ‘kontrabandë me mallra dhe shmangie nga obligimet doganore’. Automjeti dhe malli janë konfiskuar, ndërsa personi i dyshuar me urdhër të prokurorit është ndaluar për 48 orë’, thuhet në njoftim.
