Kreu i Grupit Parlamentar të Partisë Demokratike, Gazment Bardhi në një postim në rrjete social ka reaguar në lidhje me një paketë për pensionistët pas fitores me 11 maj.
Bardhi e cilëson këtë si paketa e dhembshurisë për pensionistët. Ai shprehet se për Partinë Demokratike shtresa e pensionistëve është më e diskriminuara në këto 12 vite.
Bardhi nënvizon se me këtë paketë zotimi i Partisë Demokratike pas 11 majit është që mos ketë pension nën 200 euro, do të ketë 20% rritje për çdo pension dhe kthimi i tvsh për ushqimet deri në 2 pensione në vit.
Ai bën thirrje që të votohet numri 1 për Partinë Demokratike – Aleanca për Shqipërinë Madhështore.
