Policia e Kukësit ka finalizuar operacionin e koduar “Kroi”, duke arrestuar një 45-vjeçar, N. M., i shpallur në kërkim për kultivim të bimëve narkotike dhe armëmbajtje pa leje.
Ky shtetas ishte shpallur në kërkim nga Gjykata e Kukësit, e cila i kishte caktuar masën e sigurisë “Arrest në burg”. Hetimet zbuluan se në qershor të vitit 2024, ai kishte kultivuar bimë narkotike në tre parcela në zonën e quajtur “Mahalla e Kroit të Madh”. Gjatë kontrolleve në banesën e tij, u gjet një armë zjarri kallashnikov me municion luftarak, që ai e mbante pa leje.
Pas kapjes, materiali hetimor është dërguar në Prokurorinë e Kukësit për veprime të mëtejshme.
