Shërbimi rus i sigurisë (FSB) akuzoi shërbimet e inteligjencës ukrainase se kanë dërguar anëtarë të saj për të rekrutuar qytetarë rusë dhe për të marrë informacione sekrete.
Ata po përdorin si mbulesë një institut amerikan, RAND, që është i ndaluar në Rusi dhe konsiderohet një “organizatë e padëshirueshme”. FSB njoftoi se këta operativë ukrainas kanë tentuar të përdorin korporatën amerikane për operacione rekrutimi dhe për të marrë informacion rreth operacionit ushtarak rus në Ukrainë.
Akuzat vijnë pas përhapjes së informacionit për aktivitetet e spiunazhit të mundshëm. Deri tani, nuk ka pasur komente nga autoritetet ukrainase ose nga RAND.
