Kryeministri Edi Rama ka zhvilluar një takim në shtabin elektoral në Tiranë, në zonën e Pallatit me Shigjeta.
Deputeti Erion Braçe i ka treguar kryeministrit se ka zhvilluar takime edhe në ditë me shi, me qytetarë që kanë marrë pjesë me çadra. Rama ka hedhur dyshime dhe Braçe i kërkoi që të shikonte Instagramin, që të kuptonte punën që po bëhet në këtë njësi.
Pjesë nga biseda:
Braçe: Do bëjmë 3 4 takime në ditë, deri në 6-7 të darkës. Bëmë një test javën që shkoi, i bëmë të hënën takimet te Pallati me Shigjeta te Ifran Tomini. Te Pallati me Shigjeta edhe pse koha me shi, njerëzit ishin aty me çadra.
Rama: Jashtë?
Braçe: Jashtë.
Rama: Bëtë takim jashtë, me çadra?
Braçe: Ti shikoji njëherë edhe Instagramin tim mo burrë, se ne e shikojmë Instagramin tënd çdo ditë. Mund ta shohësh edhe timin njëherë se nuk bëhet qameti. Ne të shikojmë Sy m’sy që në sabah, na shiko edhe ti njëherë se nuk bëhet qameti.
Rama: Domethënë jashtë me çadra.
Braçe: Jashtë edhe me çadër rrinin njerëzit atje në shi.
Rama: Po hape njëherë ta shoh.
Braçe: Do dali ndonjë e sharë.
Rama: Le të dali, jemi mësuar me këto.
(Braçe i tregon takimet)
Rama: Këtu s’ka takim, i ka ndaluar Braçja në rrugë.
Braçe: E gjithë struktura është vënë në punë.
