Në Sarandë, pas një sherri mes dy të rinjve, një 17-vjeçar ka mbetur i plagosur me tre goditje me thikë. Ngjarja ndodhi në lagjen nr.1, në rrugën “Bilal Golemi”, dhe shkaku dyshohet të ketë qenë një femër, e cila ishte në qendër të konfliktit.
I plagosuri, B.K., nxënës në gjimnazin “Hasan Tahsini”, u dërgua me urgjencë në spitalin e Vlorës për mjekim të specializuar. Ndërkohë, autori i plagosjes, 18-vjeçari Kejsi Cora, u arrestua nga policia e Sarandës.
Ai është një person me të kaluar kriminale, pasi edhe në janar 2024 plagosi një të mitur tjetër me dorezë në mjediset e shkollës. Policia po punon për gjetjen e thikës që u përdor në ngjarje.
