Kreu i Grupit Parlamentar të Partisë Demokratike Gazment Bardhi në rrjetin e tij social ka postuar një video ku shprehet se kryeministri Edi Rama ka kopjuar programin e tyre. Bardhi shprehet se Rama nuk ka patur asnjëherë idenë dhe vullnetin për të qeverisur vendin në interes të njerëzve.
Ai e cilëson kryeministrin si kopjac, pasi sipas tij po përpiqet që të zvarritet drejt zgjedhjeve me politikën e tij të dështuar. Gjithashtu Bardhi ka renditur disa nga pikat e programit të Partisë Demokratike që do të bëhen pas 11 majit.
“Edi Rama nuk ka patur ndonjëherë as ide, as vullnet për të qeverisur vendin në interes të njerëzve. Tani që numërimi mbrapsht ka nisur dhe e ka kuptuar se shqiptarët nuk ngopen më me lugën e tij bosh, Edi Rama harroi kur tallej dhe tani po kopjon rëndshëm programin elektoral të Sali Berishës. Mirë që Berisha s’ka pasion të pikturojë, se kushedi ç’do të na kishin parë sytë nga kopjaci i qeverisë! 📄✂️ 😂
Dhe ndërsa Edi Kopjaci përpiqet të zvarritet drejt zgjedhjeve me politikën e tij të dështuar – mashtrim dhe vetëm mashtrim, me Partinë Demokratike po bashkohen gjithnjë e më shumë shqiptarë që duan ndryshimin! 🚀
Zotimi ynë pas 11 Majit:
✅ Asnjë pension nën 200 euro.
✅ 20 % Rritje për çdo pension.
✅ Kthim i TVSH për ushqimet deri në 2 pensione në vit.
✅ Paga minimale 500 euro.
✅ Paga mesatare 1200 euro.
Është koha për të kthyer shpresën dhe për të ndërtuar një të ardhme më të mirë për Shqipërinë!
Voto 1️⃣ 🇦🇱🤝✌️”, shkruan Bardhi.
