Sali Berisha me anë të një postimi në rrjetin social ka njoftuar se selia blu është bërë me ngjyrë blu në solidarizimin me Ditën Ndërkombëtare të Autizmit.
Berisha shprehet se me ardhjen në pushtet do të nxirren mijëra familje nga harresa dhe indiferenca e keqqeverisjes së Ramës. Gjithashtu thekson se Partia Demokratike do t’u vijë në ndihmë për ta përballuar me dinjitet, së bashku, luftën ndaj këtij fenomeni.
“Me Paketën e Dhembshurisë, Partia Demokratike nuk ofron lëmoshë, por dinjitet! Në nder të kësaj dite dhe të përpjekjes së mijëra nënave, baballarëve e familjeve shqiptare, selia e PD është ngjyrosur sonte në blu.”, shkruan Berisha.
