Kreu i Lëvizjes Vetëvendosjes Albin Kurti të hënën tha se i ka dërguar ftesë Lidhjes Demokratike të Kosovës për një takim “konsultativ” para seancës konstituive të Kuvendit dhe procesit të formimit të Qeverisë së re.
Kurti e ka ftuar për takim kryetarin e LDK-së Lumir Abdixhikun më 9 prill në orën 15:00 ose më 10 prill në orën 09:00 ose 14:00.
Lidhja Demokratike e Kosovës ende nuk ka dhënë një përgjigje nëse do të shkojë në takim apo jo. Ndërsa anëtarja e kryesisë së LDK-së, Jehona Lushaku pasditen e sotme tha se qëndrimet e partisë karshi Lëvizjes Vetëvendosje nuk kanë ndryshuar.
