Java e 33-të e “Abissnet Superiore” u mbyll me ndeshjen derbi Tirana – Partizani. Në “Arenën Kombëtare” triumfuan bardheblutë me rezultatin e thellë 3-0.
Po sot u luajt edhe ndeshja tjetër Egnatia – AF Elbasani. Në “Egnatia Arena” fitoi AF Elbasani me rezultatin 1-2.
Dinamo City siguroi matematikisht pjesëmarrjen në “Final Four”. Barazimi 1-1 me Teutën ishte vendimtar dhe blutë janë skuadra e dytë, pas Egnatias, që do të garojnë në fazën finale për titullin kampion të “Abissnet Superiore”.
Bylis mori një fitore shumë të rëndësishme në shtëpi ndaj Vllaznisë, me rezultatin minimal 1-0. Këtë javë triumfoi edhe Skënderbeu ndaj Laçit në transfertë, me rezultatin 1-2.
