Kreu i Lëvizjes “Shqipëria Bëhet”, Adriatik Lapaj ka zhvilluar një takim me banorët në Baldukshk. Lapaj u shpreh se vota për zgjedhjet e 11 majit, është çështje e rëndësisë kombëtare. Ai tha se klasat e vjetra politike duhet që të ndëshkohen me votë.
“Këtu, kësaj here vota është çështje e rëndësisë kombëtare sepse paramendoni më 12 maj, klasa politike qëndron kjo që është, i bie që të mos ndryshojë asgjë. Nëse ju atyre, pasi u kanë vjedhur, u kanë rrahur, u kanë larguar fëmijët, u kanë lënë pa ilaçe, pasi janë këtu duke kërcënuar administratës, prapë i votoni, çfarë mesazhi u jepni? Vazhdoni na vidhni, se prapë do ju votojmë. Duhet t’i ndëshkoni me votën, për tu dhënë mesazhin, fuqia qëndron te populli dhe ndryshimi vjen nga populli”, tha Lapajt.
Ai theksoi se nuk do të bashkëpunojnë me partitë e mëdha dhe i cilësoi si besëprerje të ëndërrave.
“Kjo nuk është çështje e karrierës sime. E kishim bërë kollaj, mezi presim ata të themi ‘hajde se vijmë me ju’. Po nuk e bëjmë se do të ishte besëprerje ndaj ëndrrës së këtij brezi. Ndaj ju, me mend në kokë, flisni me të afërmit tuaj. Është koha të ndërtojmë shtetin norma, të së drejtës”, tha Lapaj.
