Mbledhja e radhës e Këshillit Bashkiak në Shkodër u bojkotua për shkak të kundërshtimit nga socialdemokratët. Pasi miratuan 5 pikat e para të rendit të ditës, që kishin lidhje me ndihmën ekonomike për banorët, qiranë e banesave sociale dhe strehimin emergjent të disa familjeve të cilave u janë djegur shtëpitë, këshilltarët e Partisë Social Demokrate e bojkotuan mbledhjen.
Ata bojkotuan me arsyetimin se miratimi i pikave të tjera është i paligjshëm, pasi jemi në periudhë fushate elektorale.
Ne nuk e shohim vetën si patericë. Nuk mund të bëhemi pjesë e këtij votimi”, shprehet Marina Duhani, këshilltare e PSD.
Në fillim u larguan socialdemokratëve, më pas edhe demokratët dhe kështu mbledhja dështoi. Socialistët e konsideruan të papranueshme sjelljen e kolegëve këshilltarë.
Një ndër pikat më kryesore të dërguara për miratim në mbledhjen e Këshillit Bashkiak ishte ajo për menaxhimin e plazheve publike nga Bashkia Shkodër në plazhin e Velipojës.
