Një 17-vjeçare ka humbur babain nga shembja e çatisë së një diskoteke në Republikën Domenikane, ku janë të paktën 128 viktima.
“Ishte vetëm një tjetër ditë e hënë. Në fakt babi para se të dilte ftoi dhe mamin që t’i bashkoheshe. Por, ajo ndryshoi mendje në momentin e fundit. Ishte një shenjë, për mua është më tepër. Është një bekim”, tregoi 17-vjeçarja, Shailyn Peña për BBC.
Me pikëllim dhe lotët që i veshin sytë ajo tregon momentin kur mori vesh shembjen e çatisë brenda së cilës ishte babai i saj.
“Një kushëriri im është pjesë e forcave të kërkim-shpëtimit. Prej tij mora vesh lajmin e kobshëm. Vrapova drejt rrënoja, nuk shihja asnjë njeri. Disa zëra dëgjoheshin poshtë grumbujve me gurë e beton, më ngjante me zërin e tim eti. Por, jo nuk ishte aiii…Prita, prita por trupi i tij nuk doli i gjallë nga ai pirg gjakpirës që i mori jetë”, rrëfen mes lotësh vajza.
Sot Shailyn feston 18-vjetorin e ditëlindjes, por jo siç ajo e kishte menduar. E ulur mbi rrënoja përfytyruar imazhin e të atit, teksa e puth dhe i shpreh urimin.
